seed10000
10-04-2008, 08:10 PM
بسم الله الرحمن الرحيم
الحلقـــة الأولـــــــى
احكي لكم في هالموضوع وقائع رحلتي الى كندا ( مانيتوبا ) بالتفاصيل الدقيقه .. .. اول شي كان التخطيط على السفر قبل سنه ونص كنت ناوي اسافر لامريكا وما الله كتب .. بسبب اجراءات الفيزه عندهم صعبه واللي رايح سوريا لايحلم بالفيزه ع العموم احسن
المهم بعدين فكرت اني اخلي السفره السنه الثانيه اللي هي الصيف اللي فات هذا .. واحترت بين كندا واستراليا وابريطانيا .. وبعد مشاكل الفيز حقت ابريطانيا اللي سمعتها .. والتعصب الديني في استراليا .. ويوم قرأت كثير عن كندا .. شفت ان ولا دوله من اللي ذكرت تصفّ جنب كندا (( وكان شيء حقيقي لما رحت هناك وشفت بعيوني )) .. ماأطول علييكم
بديت في فتح الموضوع مع امي واني بسافر ادرس شهر (( انا ناوي ثلاث سنوات لانها مرحلة الماجستير بس لو قلت ثلاث سنوات يمكن يجيها شيء لاسمح الله )) المهم قلت ابدأ على خفيف .. وقلت شهر وبرجع وكذا وكانت رافضه الفكره تماماً وهي من النوع اللي يؤمن ان اللي يسافر برا السعوديه يمسكونه ويودونه قوانتانامو (( اتوقع النوعيات هذي من الامهات كثيره )) ههههه الله يحفظهم يارب ويخليهم لنا .. المهم وبعد محاولات شتّـى وخدمات جانبيه (( مشاوير + تميلح + نفعه )) اقتنعت ولله الحمد .. وطاح تقريباً 80% من الهم اللي كنت شايله .. باقي الحين وشلون اقنع الشايب ..
المهم وكّـلت المهمّـه لأمي .. ويوم من الايام بعد ماشفت الشايب في وضع جيّـد لفتح الموضوع أعطيت امي اشاره عشان تفتح الموضوع على انها تسألني وين بروح الصيف هذا .. وانا اقول يمكن اروح ادرس .. ونشوف ردّة الفعل اذا كانت مشجّـعه ولا محبطه .. ونفذنا الطريقه .. طبعاً الشايب سوّا نفسه ماسمع ولا كأن فيه ناس تكلم .. وانا طرطعت ماأدري هل هو موافق ولا لا .. تعرفون الحقران يقطّـع المصران وفي ذاك اليوم كان أول مره ادري ان هالمثل موجود على ارض الواقع !!!!!!!!!!! ..
يوم ثاني سوينا نفس الطريقه .. ورد علي قال: السنه اللي راحت ماسافرت وكانت خيره .. والسنه هذي الله اعلم وش بيصير .. عشان كذا اقضب ارضك .. واغمز لأمي بحيث انها تدخّـل وتحاول تبين انها ماعندها مانع وان الوضع عادي .. المهم وبعد نقاشات حادّه . اقتنع .. والحمد لله انتهى الموضوع بعد تقريباً شهر من المحاولات .. وبعدين بديت في الجد .. وديت اوراقي لمكتب الفيفا (( مجمّعـها من بدري )) وظبطت كل شي وارسلت الاوراق بدري وجاني شبه احباط يوم قالوا لي الفيفا ان اغلب الفيز يرفضونها .. وخليت اوراق احتياط عشان لو لاسمح الله رفضوا احول على ابريطانيا دايركت << يلعن ابو الصمله ..
(( طبعا فتح باب التقديم في برنامج خادم الحرمين الشريفين للابتعاث الخارجي زي كل سنه في شهر رجب وقدمت ع البرنامج وبعد اسبوع تم قبولي مبدئي ومن ثم طلبوا منا ارسال الشهادات بالعربي والانجليزي وتعبئة الابلكيشن الخاص لمراسلت الجامعات وصور الجواز وانتظرنا مايقارب 3 شهور ومن ثم تم الاعلان عن اسماء المبتعثين نهائيا من خلال الصحف اليوميه وموقع الوزرارة ع النت والحمد لله كان اسمي من ضمنهم )) .. وبدأ مشوار التلفونات على اخوياي وطلعنا نشتري ومانشتري ونقضّـي ونبتاع << مدري شلون طلعت ..
ملاحظه : سيتم التقديم للمرحلة الرابعة من برنامج خادم الحرمين الشريفين للابتعاث الخارجي هذه السنة ايضا في شهر رجب فا اللي عنده رغبه وطموح باكمال تعليمه الاكاديمي يجهز وريقاته وشهداته عربي وانجليزي ويفتح موقع الوزارة ويقدم واللي يقدم ع الماجستير والدكتوراه والزمالة يقبل من دون منازع لا بل يدورونه دواره اما اللي يبي يدرس بكالوريس يبيله يكون معدله فوق 90% اما الماجستير والدكتوراه مو شرط اهم شي يكون جيد ومو شرط يكون نفس تخصص البكالوريس حتى لو غير التخصص يقبلونه والله يوفق الجميع واللي بيجي كندا بكون بانتظاره
كلفتني تقريباً المقاضي حوالي ثلاث الاف وخمسمية ريال شامل الشنط وكل شي ..
وبعد اسبوعين من التقديم على الفيزا وازعاج كل ثلاث ايام باتصال على الفيفا استفسر عن الفيزا .. او امر عليهم لدرجة انهم حفظوا وجهي وصرت اذا جيتهم يأشرون لي من برا ماوصلنا شي!! هههههههههههه .. المهم بعد اسبوعين اتصل علي الهندي اللي في الفيفا الساعه 11 الصباح تقريباً وصار الحوار التالي ..
الهندي: الو ؟؟
انا: ايوه ..
الهندي: سعيد الحرير ؟؟؟؟
انا: ايوه .. مين انتا ؟؟
الهندي : انا فيفا
انا: ايوه هلا .. هاه بشـّـر << ضاعت علومي
الهندي: انتا في قدّم فيزا كندا ؟؟
انا: ايوه .. ايش قول سفاره؟
الهندي: هذا فيزا في رجيكتد (( رفضوها ))
انا (( بكل احباط وكآبه )): ايشششششششششششش؟؟؟؟؟؟؟؟؟؟؟؟؟؟؟ ليش يامحمد ايش مشكله؟؟
الهندي: لا انا في مسخره .. فيزا اكسبتد (( قبلوها )) ..
انا: الله يرجك ياشيخ طاح قلبي .. وتشق وجهي ذيك الابتسامه
الهندي باستغراب: هاه!! يجي الحين شيل جواز؟
انا: انا يجي بعد خمسه دقيقه مافي سكّـر
الهندي: انا سكر ساعه واهد (( واحد ))
طق .. طق .. طوط طوط ..
وادز واروح استلم الجواز وماصدقت انهم قبلوا طلبي الا يوم شفت الفيزا في الجواز ..
ومن يومها صرت اكثر جديّـه وبديت اشتري اغراضي واغراض العيال من ملابس وكاميرا ديجيتل ومكينة حلاقه وشامبو وكل شي .. وبديت ارتب شناطي واغراضي ..
وطلعت بعدها للرياض الى موقع الوزاره لاستلام قرار الابتعاث وتذاكر السفر .. واستفسر عن التذاكر ومواعيد الحجوزات .. وكان الكورس حقي يبدأ في 1-5-2008 .. واحصل حجز يوم الاربعاء في الليل الساعه 1 ونص من الدمام الى فرانكفورت .. وتوصل فرانكفورت الساعه 6 ونص .. ونجلس في المطار اربع ساعات .. وتقلع من المانيا الى تورنتو الساعه 10 صباحا وتوصل تورنتو الساعه 12ونص بتوقيت تورنتو .. و من تورنتو الى مانيتوبامايقارب ساعتين .. وتوكلت على الله وحجزت التذكره على الخطوط الالمانيه .. وكان الوزن المسموح فيه 23 كيلو لكل شنطه .. .
دخلنا المطار وطلعنا الدور الثاني .. ووقفت عند الكاونتر اخذ البوردنق .. ولما وصلت قلت للي يقص البوردنق لو سمحت تقدر توفر لي مقعد جنب النافذه؟ قال ابشر .. والله ماقصر وكان تعاملهم حلو بمطار الدمام الله يعطيهم العافيه .. ودخلت للصاله قدام البوابه رقم26
وبعدين ركبنا الطياره وقرأنا دعاء السفر وسبحان الذي سخر لنا هذا وما كنا له مقرنيين
وتوكلنا على الله والحمد لله تم وصولنا بالسلامه والامور جدا طيبه هنا والاوضاع مستقره والاجواء جدا هادئه والناس كلا في حاله والشعب الكندي شعب جدا لطيف وسمح وبشوش والابتسامه تملأ وجوههم ونشوف الثلج يتساقط بدون برد كيف تجي هذه ماادري والله بس سبحان الله هذا دليل على عظمة الخالق
ترقبو الحلقة القادمة من حلقات حساوي وعائلته مغتربين في كندا,,,,,,,,,,,,
الى اللقاء
http://www.m5zzn.com/upload/uploads/m5zzn-d78922b156.jpg (http://www.m5zzn.com/upload/)
الحلقـــة الأولـــــــى
احكي لكم في هالموضوع وقائع رحلتي الى كندا ( مانيتوبا ) بالتفاصيل الدقيقه .. .. اول شي كان التخطيط على السفر قبل سنه ونص كنت ناوي اسافر لامريكا وما الله كتب .. بسبب اجراءات الفيزه عندهم صعبه واللي رايح سوريا لايحلم بالفيزه ع العموم احسن
المهم بعدين فكرت اني اخلي السفره السنه الثانيه اللي هي الصيف اللي فات هذا .. واحترت بين كندا واستراليا وابريطانيا .. وبعد مشاكل الفيز حقت ابريطانيا اللي سمعتها .. والتعصب الديني في استراليا .. ويوم قرأت كثير عن كندا .. شفت ان ولا دوله من اللي ذكرت تصفّ جنب كندا (( وكان شيء حقيقي لما رحت هناك وشفت بعيوني )) .. ماأطول علييكم
بديت في فتح الموضوع مع امي واني بسافر ادرس شهر (( انا ناوي ثلاث سنوات لانها مرحلة الماجستير بس لو قلت ثلاث سنوات يمكن يجيها شيء لاسمح الله )) المهم قلت ابدأ على خفيف .. وقلت شهر وبرجع وكذا وكانت رافضه الفكره تماماً وهي من النوع اللي يؤمن ان اللي يسافر برا السعوديه يمسكونه ويودونه قوانتانامو (( اتوقع النوعيات هذي من الامهات كثيره )) ههههه الله يحفظهم يارب ويخليهم لنا .. المهم وبعد محاولات شتّـى وخدمات جانبيه (( مشاوير + تميلح + نفعه )) اقتنعت ولله الحمد .. وطاح تقريباً 80% من الهم اللي كنت شايله .. باقي الحين وشلون اقنع الشايب ..
المهم وكّـلت المهمّـه لأمي .. ويوم من الايام بعد ماشفت الشايب في وضع جيّـد لفتح الموضوع أعطيت امي اشاره عشان تفتح الموضوع على انها تسألني وين بروح الصيف هذا .. وانا اقول يمكن اروح ادرس .. ونشوف ردّة الفعل اذا كانت مشجّـعه ولا محبطه .. ونفذنا الطريقه .. طبعاً الشايب سوّا نفسه ماسمع ولا كأن فيه ناس تكلم .. وانا طرطعت ماأدري هل هو موافق ولا لا .. تعرفون الحقران يقطّـع المصران وفي ذاك اليوم كان أول مره ادري ان هالمثل موجود على ارض الواقع !!!!!!!!!!! ..
يوم ثاني سوينا نفس الطريقه .. ورد علي قال: السنه اللي راحت ماسافرت وكانت خيره .. والسنه هذي الله اعلم وش بيصير .. عشان كذا اقضب ارضك .. واغمز لأمي بحيث انها تدخّـل وتحاول تبين انها ماعندها مانع وان الوضع عادي .. المهم وبعد نقاشات حادّه . اقتنع .. والحمد لله انتهى الموضوع بعد تقريباً شهر من المحاولات .. وبعدين بديت في الجد .. وديت اوراقي لمكتب الفيفا (( مجمّعـها من بدري )) وظبطت كل شي وارسلت الاوراق بدري وجاني شبه احباط يوم قالوا لي الفيفا ان اغلب الفيز يرفضونها .. وخليت اوراق احتياط عشان لو لاسمح الله رفضوا احول على ابريطانيا دايركت << يلعن ابو الصمله ..
(( طبعا فتح باب التقديم في برنامج خادم الحرمين الشريفين للابتعاث الخارجي زي كل سنه في شهر رجب وقدمت ع البرنامج وبعد اسبوع تم قبولي مبدئي ومن ثم طلبوا منا ارسال الشهادات بالعربي والانجليزي وتعبئة الابلكيشن الخاص لمراسلت الجامعات وصور الجواز وانتظرنا مايقارب 3 شهور ومن ثم تم الاعلان عن اسماء المبتعثين نهائيا من خلال الصحف اليوميه وموقع الوزرارة ع النت والحمد لله كان اسمي من ضمنهم )) .. وبدأ مشوار التلفونات على اخوياي وطلعنا نشتري ومانشتري ونقضّـي ونبتاع << مدري شلون طلعت ..
ملاحظه : سيتم التقديم للمرحلة الرابعة من برنامج خادم الحرمين الشريفين للابتعاث الخارجي هذه السنة ايضا في شهر رجب فا اللي عنده رغبه وطموح باكمال تعليمه الاكاديمي يجهز وريقاته وشهداته عربي وانجليزي ويفتح موقع الوزارة ويقدم واللي يقدم ع الماجستير والدكتوراه والزمالة يقبل من دون منازع لا بل يدورونه دواره اما اللي يبي يدرس بكالوريس يبيله يكون معدله فوق 90% اما الماجستير والدكتوراه مو شرط اهم شي يكون جيد ومو شرط يكون نفس تخصص البكالوريس حتى لو غير التخصص يقبلونه والله يوفق الجميع واللي بيجي كندا بكون بانتظاره
كلفتني تقريباً المقاضي حوالي ثلاث الاف وخمسمية ريال شامل الشنط وكل شي ..
وبعد اسبوعين من التقديم على الفيزا وازعاج كل ثلاث ايام باتصال على الفيفا استفسر عن الفيزا .. او امر عليهم لدرجة انهم حفظوا وجهي وصرت اذا جيتهم يأشرون لي من برا ماوصلنا شي!! هههههههههههه .. المهم بعد اسبوعين اتصل علي الهندي اللي في الفيفا الساعه 11 الصباح تقريباً وصار الحوار التالي ..
الهندي: الو ؟؟
انا: ايوه ..
الهندي: سعيد الحرير ؟؟؟؟
انا: ايوه .. مين انتا ؟؟
الهندي : انا فيفا
انا: ايوه هلا .. هاه بشـّـر << ضاعت علومي
الهندي: انتا في قدّم فيزا كندا ؟؟
انا: ايوه .. ايش قول سفاره؟
الهندي: هذا فيزا في رجيكتد (( رفضوها ))
انا (( بكل احباط وكآبه )): ايشششششششششششش؟؟؟؟؟؟؟؟؟؟؟؟؟؟؟ ليش يامحمد ايش مشكله؟؟
الهندي: لا انا في مسخره .. فيزا اكسبتد (( قبلوها )) ..
انا: الله يرجك ياشيخ طاح قلبي .. وتشق وجهي ذيك الابتسامه
الهندي باستغراب: هاه!! يجي الحين شيل جواز؟
انا: انا يجي بعد خمسه دقيقه مافي سكّـر
الهندي: انا سكر ساعه واهد (( واحد ))
طق .. طق .. طوط طوط ..
وادز واروح استلم الجواز وماصدقت انهم قبلوا طلبي الا يوم شفت الفيزا في الجواز ..
ومن يومها صرت اكثر جديّـه وبديت اشتري اغراضي واغراض العيال من ملابس وكاميرا ديجيتل ومكينة حلاقه وشامبو وكل شي .. وبديت ارتب شناطي واغراضي ..
وطلعت بعدها للرياض الى موقع الوزاره لاستلام قرار الابتعاث وتذاكر السفر .. واستفسر عن التذاكر ومواعيد الحجوزات .. وكان الكورس حقي يبدأ في 1-5-2008 .. واحصل حجز يوم الاربعاء في الليل الساعه 1 ونص من الدمام الى فرانكفورت .. وتوصل فرانكفورت الساعه 6 ونص .. ونجلس في المطار اربع ساعات .. وتقلع من المانيا الى تورنتو الساعه 10 صباحا وتوصل تورنتو الساعه 12ونص بتوقيت تورنتو .. و من تورنتو الى مانيتوبامايقارب ساعتين .. وتوكلت على الله وحجزت التذكره على الخطوط الالمانيه .. وكان الوزن المسموح فيه 23 كيلو لكل شنطه .. .
دخلنا المطار وطلعنا الدور الثاني .. ووقفت عند الكاونتر اخذ البوردنق .. ولما وصلت قلت للي يقص البوردنق لو سمحت تقدر توفر لي مقعد جنب النافذه؟ قال ابشر .. والله ماقصر وكان تعاملهم حلو بمطار الدمام الله يعطيهم العافيه .. ودخلت للصاله قدام البوابه رقم26
وبعدين ركبنا الطياره وقرأنا دعاء السفر وسبحان الذي سخر لنا هذا وما كنا له مقرنيين
وتوكلنا على الله والحمد لله تم وصولنا بالسلامه والامور جدا طيبه هنا والاوضاع مستقره والاجواء جدا هادئه والناس كلا في حاله والشعب الكندي شعب جدا لطيف وسمح وبشوش والابتسامه تملأ وجوههم ونشوف الثلج يتساقط بدون برد كيف تجي هذه ماادري والله بس سبحان الله هذا دليل على عظمة الخالق
ترقبو الحلقة القادمة من حلقات حساوي وعائلته مغتربين في كندا,,,,,,,,,,,,
الى اللقاء
http://www.m5zzn.com/upload/uploads/m5zzn-d78922b156.jpg (http://www.m5zzn.com/upload/)